Ռուսաստանի Բելգորոդի մարզի Գոլովչինո սահմանամերձ գյուղում Ուկրաինայի զինված ուժերի գնդակոծության պատճառով 48-ամյա կին է մահացել: Տեղեկությունը հայտնում է տարածաշրջանի ղեկավար Վյաչեսլավ Գլադկովը։ Այլ տուժածների մասին տեղեկությունները ճշտվում են։
Օպերատիվ ծառայություններն ու շրջանի ղեկավարը գտնվում են դեպքի վայրում։
Ուկրաինան պարբերաբար հարվածներ է հասցնում Բելգորոդի մարզին։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Սեպտեմբերի 23-27-ը անցկացվեցին ԴԺՀ-ի, ԼԺՀ-ի, Խերսոնի ու Զապորոժիեի մարզերի՝ ՌԴ-ի կազմի մեջ մտնելու հանրաքվեներ:
Սեպտեմբերի 30-ին Պուտինը ստորագրեց ԴԺՀ-ն, ԼԺՀ-ն, Զապորոժիեի և Խերսոնի մարզերը Ռուսաստանի Դաշնության կազմում ընդգրկելու մասին պայմանագրերը։
Ուկրաինայում մարտական գործողություններն ընթանում են արդեն 221-րդ օրը։