ԵՐԵՎԱՆ, 20 մայիսի – Sputnik. ՀՀ հիդրոօդերևութաբանության և մոնիտորինգի կենտրոնի պետի տեղակալ Գագիկ Սուրենյանը «Ֆեյսբուքի» իր էջում նոր տեսանյութ է հրապարակել, որում թաց ձյուն է տեղում։
«Մայիսյան ձյուն Արագածոտնի մարզի Ծիլքար գյուղում»,-տեսանյութին կից գրել է նա։
Նրա էջի հետևորդները բազմաթիվ հումորային մեկնաբանություններ են գրել։
««Էն որ մարտի մեկից գարնան ես սպասում, բայց էլ հույս չկա...», «պահանջում եմ Սուրենյանի հրաժարականը», «ի՞նչ ես ուզում մեզնից դու»»,- գրել են նրանք։
Նշենք, որ օդերևութաբանների կանխատեսումների համաձայն` ՀՀ տարածքում առաջիկա օրերին շրջանների զգալի մասում սպասվում են օդի ջերմաստիճանի նվազում, անձրև և ամպրոպ, որոշ շրջաններում` թաց ձյուն: