Ռեժիսոր Վիկտոր Մերեժկոն մահից առաջ փորձել է թաքցնել հիվանդությունը

Վիկտոր Մերեժկո
Ռեժիսորի որդին ստիպված է եղել հորը ստիպողաբար բժշկի տանել, սակայն արդեն ուշ է եղել։
Sputnik
ԵՐԵՎԱՆ, 31 հունվարի – Sputnik. 85 տարեկանում մահացել է Ռուսաստանի ժողովրդական արտիստ, ռեժիսոր Վիկտոր Մերեժկոն։ Նրա դուստրը՝ Մարիան, «Կոմսոմոլսկայա պրավդա» պարբերականի հետ զրույցում ասել է, որ հոր մահվան պատճառը կորոնավիրուսին հաջորդած բարդություններն են եղել։
Նրա խոսքով՝ ռեժիսորը հիվանդացել է դեկտեմբերին և հիվանդությունը ծանր է տարել, սակայն հրաժարվել է բժշկի դիմել և հոսպիտալացվել։ Մերեժկոն սկսել է շնչահեղձ լինել, բայց ամեն ինչ արել է հիվանդությունը թաքցնելու համար։
«Դա երևի կորոնավիրուսն էր: Բայց հայրիկը վստահ էր, որ կանցնի, ասում էր` բան չկա, սովորական մրսածություն է: Ու նա սկսեց ինքնաբուժությամբ զբաղվել», - պատմել է դուստրը։
Ռեժիսորի որդին ստիպված է եղել հորը ստիպողաբար բժշկի տանել։
«Միսս ԱՄՆ - 2019»-ին մահացած են գտել Նյու Յորքում
Համակարգչային տոմոգրաֆիայի ընթացքում պարզվել է, որ Մերեժկոյի թոքերը լրջորեն ախտահարված են։ Նրան տեղափոխել են վերակենդանացման բաժանմունք։
Բժիշկներին հաջողվել է կայունացնել արտիստի վիճակը և մասնակիորեն մաքրել թոքերը։ Սակայն ավելի ուշ բարդություններ են առաջ եկել, ռեժիսորին վիրահատել են, սակայն մեկ շաբաթ անց նա մահացել է։
Կյանքից հեռացել է մուլտիպլիկատոր, «Չեբուրաշկային կենդանացրած» Մայա Բուզինովան
Նշենք, որ Մերեժկոն ծնվել է 1937 թվականի հուլիսի 28-ին Ռոստովի մարզում։ 1968 թվականին ավարտել է Համառուսաստանյան կինեմատոգրաֆիայի պետական ինստիտուտը՝ ստանալով սցենարիստի որակավորում։ Մերեժկոյի սցենարն ուսումնասիրելիս ռեժիսոր Լեոնիդ Միլիոնշչիկովը «Մոսֆիլմում» նկարահանել է «Զարեչենսկի փեսացուները» (1967 թ.) կարճամետրաժ ֆիլմը, որին հաջորդել են «Ով կմեռնի այսօր» (1967 թ.) և «Կույր անձրև» (1968 թ.) կարճամետրաժ ֆիլմերը։ Մի քանի տասնյակ ֆիլմերի ռեժիսոր է։