ԵՐԵՎԱՆ, 21 հունվարի – Sputnik. Ըստ էության, Արևը, ինչպիսին մենք դրան գիտենք, արդեն իսկ (տարածություն–ժամանակ տիեզերական մասշտաբներում) մահվան շեմին է։ Հետագայում Արևը կարմիր հսկա կդառնա, կդադարի ջերմություն տալ միջուկային սինթեզի միջոցով, միջուկը անկայուն կդառնա և կսեղմվի, գրում է BGR–ն։
Երբ միջուկը սկսի անկայուն դառնալ, Արևի արտաքին շերտերը կընդլայնվեն։ Այդ երևույթը կկլանի Մերկուրիին և Վեներային, արևային դաժան քամիները կհարվածեն Երկրին, զրկելով դրան մագնիսական դաշտից, հետևաբար, մթնոլորտից։
Սարսափելի տեսարան է, բայց մարդկությունը դա չի տեսնի. եթե, իհարկե, դա կարող է մխիթարել։
Գիտնականների կարծիքով` մեկ միլիարդ տարի հետո Երկրի վրա գտնվող օվկիանոսները արեգակնային էներգիայի ազդեցության տակ կգոլորշիանան։ Այդ ժամանակ Արևի պայծառությունը ևս մոտ 10 տոկոսով կավելանա։ Իսկ մինչ այդ, արդեն այսօր, կլիմայի փոփոխման այլ վտանգներ կան, որոնք պետք է հաշվի առնել։
Ամեն դեպքում Երկրի ապագան մռայլ է։ Իսկ ահա դեպի այլ մոլորակներ տիեզերական ճանապարհորդությունները թույլ կտային մարդկությանը գոյատևել, գտնելով նոր տուն, ուր կարելի է տեղափոխվել, երբ Արևը, ի վերջո, կմարի, գրում է BGR–ն։