ԵՐԵՎԱՆ, 20 հունվարի – Sputnik. Հայաստանի Հանրապետության տարածքում այսօր շրջանների զգալի մասում սպասվում է ձյուն և մառախուղ, լեռնային առանձին շրջաններում՝ բուք: Հունվարի 21-24-ը սպասվում է առանց տեղումների եղանակ: Տեղեկությունը հայտնում է ՀՀ ԱԻՆ մամուլի ծառայությունը։
Հաղորդագրության համաձայն` քամին կլինի հյուսիսարևմտյան` 2-5 մ/վ արագությամբ:
Օդի ջերմաստիճանը 21-22-ի գիշերը կնվազի 10-15 աստիճանով:
Երևան քաղաքում այսօր առավոտյան սպասվում է ձյուն: Հունվարի 20-ի կեսօրից հետո, 21-24-ը սպասվում է առանց տեղումների եղանակ:
Ջերմաստիճանը մայրաքաղաքում այսօր ցերեկային ժամերին կդիտվի -1...-3, գիշերը` -11...-13 աստիճան ցուրտ։