ԵՐԵՎԱՆ, 11 հունվարի – Sputnik. Գեղարքունիքի մարզի Նորաբակ գյուղում ադրբեջանական ԶՈւ-ի կողմից արձակած կրակոցները լսվում են։
Այս մասին Sputnik Արմենիայի հետ զրույցում ասաց Նորաբակի վարչական շրջանի ղեկավար Վազգեն Ասատրյանը։
Նշենք, որ Telegram ալիքներում տեղեկություններ են շրջանառվում, որ Նորաբակ գյուղի մոտակայքում մարտեր են ընթանում, և ընդհանուր առմամբ հայկական կողմն ունի 5 վիրավոր, սակայն վնասվածքները թեթև են և նրանց կյանքին վտանգ չի սպառնում։
«Գյուղում մի քանի րոպե առաջ կրակոցներ լսվում էին, ժամը 5-ից հետո են սկսել։ Գյուղում մարդիկ վախեցած չեն։ Վիրավորներ ունենք, բայց իրանք պոստում են, գյուղից հեռու են»,– նշեց Ասատրյանը։
Հարցին՝ արդյոք անօդաչու թռչող սարքեր նկատել են, ասաց, որ նման բաներ չեն տեսել։
Հիշեցնենք, որ ՀՀ պաշտպանության նախարարությունը հունվարի 11-ին հայտնել էր, որ Ադրբեջանի ԶՈւ ստորաբաժանումներն ժամը 15։15-ի սահմաններում կրակ են բացել Գեղարքունիքի մարզի Վերին Շորժայի հատվածում տեղակայված հայկական մարտական դիրքերի ուղղությամբ։ Կրակոցների հետևանքով մեկ զինծառայող ստացել է միջին ծանրության հրազենային վիրավորում։
Գերատեսչությունից հայտնել էին նաև, որ ժամը 17։00-ի դրությամբ իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈւ լիարժեք վերահսկողության ներքո։
Ավելի վաղ ադրբեջանական ԶԼՄ–ները հայտնել էին, որ կրակոցների հետևանքով ադրբեջանցի զինծառայող է զոհվել։
Հիշեցնենք, որ Արցախում էլ վերջին օրերին ադրբեջանական 3 սադրանք է գրանցվել։ Կարմիր շուկայի ուղղությամբ ադրբեջանցիները խոցել են տան բակում կանգնած քաղաքացիական մեքենան, որը այրվել է, Նախիջևանիկ գյուղի այգիներում աշխատող տրակտորի և 4 քաղաքացիական անձանց ուղղությամբ ինտենսիվ կրակ է վարվել, իսկ երրորդ միջադեպը գրանցվել է Շուշիի հարակից հատվածով անցնող ճանապարհին, որտեղ ադրբեջանցիները քարերով հարվածել են հայ խաղաղ բնակչի մեքենայի