ԵՐԵՎԱՆ, 30 նոյեմբերի – Sputnik. Հայաստանի ազգային պոլիտեխնիկական համալսարանի Երևանի ավագ դպրոցի թիմն «Ալ Ֆերգանի» անվան ֆիզիկայի առաջին միջազգային օլիմպիադայում արժանացել է 5 մեդալի՝ 1 արծաթե և 4 բրոնզե: Տեղեկությունը հայտնում է ՀՀ ԿԳՄՍՆ–ն` հավելելով, որ 15-18 տարեկան սովորողների շրջանում օլիմպիադան առցանց ձևաչափով է անցկացվել։
Տեսական և փորձարարական փուլերի արդյունքում ՀԱՊՀ Երևանի ավագ դպրոցի 12-րդ դասարանի աշակերտ Արտաշես Մկրտչյանն արժանացել է արծաթե, իսկ նրա համադասարանցի Արմեն Եպիսկոպոսյանը և 11-րդ դասարանի աշակերտներ Հովսեփ Կարապետյանը, Գևորգ Զադոյանը և Գրիգոր Հովհաննիսյանը՝ բրոնզե մեդալների:
Թիմը ղեկավարել է պոլիտեխնիկի ավագ դպրոցի տնօրեն և ֆիզիկայի օլիմպիական խմբակի ղեկավար Ալֆրեդ Պետրոսյանը:
Օլիմպիադային մասնակցել են նաև ՀՀ տարբեր դպրոցների աշակերտներ: