Գեղարքունիքն այսօր Հայաստանի ամենացուրտ մարզն է լինելու. եղանակի տեսություն

ԵՐԵՎԱՆ, 6 նոյեմբերի – Sputnik. Հայաստանի Հանրապետության տարածքում նոյեմբերի 6-10-ը սպասվում է առանց տեղումների եղանակ: Տեղեկությունը հայտնում է ՀՀ ԱԻՆ մամուլի ծառայությունը։

Օդերևութաբանների կանխատեսումների համաձայն` քամին կլինի արևելյան՝ 2-5 մ/վ արագությամբ:

Օդի ջերմաստիճանը էապես չի փոխվի:

Ցերեկային ժամերին ամենաբարձր ջերմաստիճանը` +16...+19, կգրանցվի Արարատի, Արմավիրի ու Վայոց Ձորի մարզերում, ամենացածրը` Գեղարքունիքում` +7...+10։

Երևան քաղաքում նույնպես նոյեմբերի 6-10-ը սպասվում է առանց տեղումների եղանակ։

Օդի ջերմաստիճանը ցերեկային ժամերին կտատանվի +17...+19, երեկոյան` +10...+12 աստիճանի սահմաններում։