Չարբախի Կարմիր բլուրի փողոցում 41-ամյա Խաչատուր Սահակյանին սպանելու կասկածանքով ձերբակալվել են երկու երիտասարդներ և նրանց 42-ամյա հայրը։ Տեղեկությունը հայտնում է ոստիկանությունը։
Երեկ հայտնել էինք, որ Երևանում կրակոցներ են հնչել. ոստիկանությունը «Սուրբ Աստվածամայր» ԲԿ–ից ահազանգ էր ստացել, որ տղամարդու դի էր տեղափոխվել հիվանդանոց։
«Դեպքի վայր մեկնած օպերատիվ խմբերը Կարմիր բլուրի փողոցի թիվ 43 հասցեի բակում հայտնաբերել են արնանման հետքեր, պարկուճներ և այլն։ Նախնական տվյալներով՝ հիվանդանոցի ճանապարհին մահացած անձի, 42-ամյա մի տղամարդու և նրա 20 ու 22 տարեկան որդիների միջև վիճաբանություն է եղել։ Այդ ընթացքում 20-ամյա երիտասարդը հրազենից կրակոցներ է արձակել Խաչատուր Սահակյանի ուղղությամբ»,–նշված է ոստիկանության հաղորդագրության մեջ։
Իրավապահները փորձել են բերման ենթարկել տղամարդուն և նրա երկու որդիներին, սակայն նրանք տանը չեն եղել։ Կարճ ժամանակ անց երեքն էլ հայտնաբերվել են Սիսիան-Գորիս ճանապարհին և բերման ենթարկվել։ 20-ամյա երիտասարդը տվել է խոստովանական ցուցմունք:
Անձնական խնդրով տարաձայնություններ ունեին. ինչո՞ւ է սպանել կնոջը և փորձել ինքնասպան լինել