ԵՐԵՎԱՆ, 27 հոկտեմբերի – Sputnik. Մեծի Տանն Կիլիկիո կաթողիկոսության աջակցությամբ Հալեպում վերանորոգվում են Ս. Գևորգ եկեղեցին և ՀԲԸՄ-ի մարզադաշտը։ Այս մասին տեղեկանում ենք Facebook–ում Մեծի Տանն Կիլիկիո կաթողիկոս Արամ Առաջինի արած գրառումից։
եծի Տանն Կիլիկիո կաթողիկոսության աջակցությամբ Հալեպում վերանորոգվում է Ս. Գևորգ եկեղեցին
© Photo : Facebook / His Holiness Aram I
«Սիրիայի իրադարձություններից հետո սիրիահայերի հետ տարվող աշխատանքները միշտ կարևոր առաջնահերթություններից մեկն է մեզ համար։ Նախորդ տարիներին Արամ Ա–ն իր այցերով և այլ աշխատանքներով ոչ միայն քաջալերել է Սիրիայում ապրող հայության վերակազմակերպումը, այլ նաև նպաստել է մի շարք ծրագրերի իրագործմանը»,–ասվում է գրառման մեջ։
Նշվում է, որ Արամ Ա–ն կշարունակի աջակցել ինչպես Հալեպում, այնպես էլ Սիրիայի տարբեր շրջաններում բնակվող հայերի վերակազմավորման հարցում։
Հիշեցնենք, որ Ս. Գևորգ Եկեղեցին Հայոց ցեղասպանությունից հետո Հալեպում կառուցված առաջին եկեղեցին է։
Այն հիմնվել է 1923-ին: 2012-ին` սիրիական պատերազմի օրերին, եկեղեցին ահաբեկչական խմբավորումները հրկիզել են` կրակի մատնելով սրբանկարները, սենյակները։