Գեղարքունիքի մարզի Երանոս գյուղի բուժամբուլատորիայի բուժքույրներից մեկը գյուղի բնակիչներից մի քանիսին տվել է կորոնավիրուսի դեմ պատվաստվելու կեղծ հավաստագրեր, այն պարագայում, երբ այդ անձինք չեն պատվաստվել։ Տեղեկությունը հայտնում է ՀՀ ոստիկանությունը։
Բուժքույրը բերման է ենթարկվել ոստիկանության Մարտունու բաժին ու խոստովանական բացատրություն տվել։
Օպերատիվ-հետախուզական ու քրեադատավարական միջոցառումները շարունակվում են։
Գերատեսչությունը վստահեցնում է, որ այս համատեքստում ոստիկանության պայքարը հետևողականորեն շարունակվելու է։