ԵՐԵՎԱՆ, 1 սեպտեմբերի – Sputnik. Ջրականի (Ջաբրայիլ) շրջանում իրականացված որոնողական աշխատանքների արդյունքում այսօր հայտնաբերվել է ևս 2 հայ զինծառայողի աճյուն: Տեղեկությունը հայտնում է ԱՀ ՆԳՆ արտակարգի իրավիճակների պետական ծառայությունը։
Զինծառայողների ինքնությունը կհաստատվի Հայաստանի Հանրապետությունում՝ դատաբժշկական փորձաքննությունից հետո:
Հիշեցնենք, որ զինադադարից հետո Արցախի գրավյալ տարածքներում իրականացված որոնումների արդյունքում փրկարար ջոկատները հայտնաբերել և տարհանել են ընդհանուր 1654 աճյուն, որոնց թվում նաև քաղաքացիական անձինք են: