Յակուտիայի հրդեհների պատճառով մարդկանց շտապ տարհանում են աղետի վայրից։ Ներգրավվել է ԱԻՆ ավիացիան։
Յակուտիայում հրդեհները մոլեգնում են ամառվա սկզբից, բայց կրակը հաջողվում էր պահել բնակավայրերից հեռու։ Այսօր այն մոտեցել է 14 բնակավայրի։ Ավելի քան 100 մարդ ստիպված են եղել լքել իրենց տները։
Կրակը փորձում են մարել ինչպես ցամաքից, այնպես էլ օդից, սակայն դեռ չի հաջողվում։ Կրակի մակերեսը հասել է 7 մլն հեկտարի։ Մեկ օրվա ընթացքում ԱԻՆ–ը, անտառների ավիացիոն պաշտպանությունն ու զինվորականները մարել են 17 օջախ, սակայն նոր 20 օջախ է առաջացել։
Արևելյան ռազմական օկրուգի ինժեներական ստորաբաժանումները հանքայնացված հողաշերտեր են հարթում։
Բնակելի տներին և տնտեսական օբյեկտներին սպառնացող վտանգի պատճառով մարզում արտակարգ դրության ռեժիմ են մտցրել, 200 փրկարարից բաղկացած խումբ է տեղափոխվել Յակուտիա։ Երրորդ ամիսն է` կրակի դեմ օգնում են պայքարել նաև մի քանի հարյուր կամավորներ։