Իրաքի հիվանդանոցում պայթյունի և հրդեհի զոհերի թիվը հասել է 58-ի, հաղորդում է Sputnik Arabic-ը:
Դեպքը տեղի է ունեցել Covid-19-ով հիվանդների համար նախատեսված հիվանդանոցում, որը գտնվում է Էն Նասիրիա քաղաքում:
Նշվում է, որ բուժհաստատությունում պայթյուն է որոտացել, որին հաջորդել է բռնկումը: Կրակը հաշված րոպեների ընթացքում ընդգրկել է բուժհաստատության բոլոր մասնաշենքերը։
Հրշեջները մի քանի ժամ շարունակ պայքարել են կրակի դեմ։ Փրկարարները կազմակերպել են բուժանձնակազմի և հիվանդների տարհանումը: Սակայն զոհերից խուսափել չի հաջողվել․ շատերը մահացել են ստացած այրվածքներից։
Նախնական վարկածի համաձայն՝ պատահարի պատճառը թթվածնային բալոնի պայթյունն է եղել:
Ընթանում է քննություն։ Արդեն ձերբակալվել են բարձրաստիճան պաշտոնյաներ, այդ թվում՝ հիվանդանոցի տնօրենը։
Զոհվածների հիշատակին Իրաքում այսօր սուգ է հայտարարվել։
Պայթյունից հետո հրդեհ է բռնկվել Կասպից ծովի ադրբեջանական հատվածում