ԵՐԵՎԱՆ, 30 հունիսի – Sputnik. Մի քանի տասնյակ տարի անց Ռուսաստանում ձյունը կարող է անոմալ երևույթ դառնալ։ Հարցն այն է, որ Ռուսաստանում տաքանալուն զուգահեռ կլիման կոնտինենտալ կդառնա։ «Խոսում է Մոսկվան» ռադիոկայանի հետ զրույցում տեղեկությունը հայտնել է Ռուսաստանի գիտությունների ակադեմիայի Ա. Մ. Օբուխովի անվան Մթնոլորտի ֆիզիկայի ինստիտուտի փոխտնօրեն Վլադիմիր Սեմյոնովը:
«Ձմեռ-ամառ ջերմաստիճանների տարբերությունը կրճատվում է Ռուսաստանի եվրոպական տարածքում, այսինքն ՝ կլիման մեզ մոտ նմանվում է Արևմտյան Եվրոպայի կլիմային»,–ասել է նա։
Մասնագետի խոսքով ՝ 30-40 տարի անց Ռուսաստանի մայրաքաղաքում միջին օրական ձմեռային ջերմաստիճանը կհասնի 0 աստիճանի. ցերեկը կլինի մոտ 3 աստիճան տաքություն, գիշերը ՝ միջինում 3 աստիճան սառնամանիք:
Ձնաբուքն ու անոմալ եղանակը կաթվածահար են արել կյանքն ԱՄՆ–ում և Կանադայում
Իսկ սա, ըստ Սեմյոնովի, նշանակում է, որ ձյունն անոմալ երևույթ է դառնալու։
Միևնույն ժամանակ, նրա խոսքով, քաղաքներից դուրս եղանակային նման փոփոխություններ չեն սպասվում։