ԵՐԵՎԱՆ, 12 հունիսի - Sputnik. Գեղարքունիքի մարզի Ծովագյուղ համայնքում քարոզարշավի շրջանակներում ՀՀ վարչապետի պաշտոնակատար Նիկոլ Փաշինյանի հետ հանդիպման ժամանակ ծովագյուղցիները բարձրացրին Սևանա լճի մաքրության հարցը։
Մասնավորապես, մի տղամարդ նշեց, թե անընդհատ խոսում են լճի մաքրության մասին, բայց ինչքան աղբ կա` բերում-լցնում են ջրի մեջ։
«Պետությունը 2001-ից փող է տալիս, որ մաքրեն տարածքը, ջուրը բարձրանա։ Չկա, կերան։ «Սևան» ազգային պարկն ի՞նչ է անում առհասարակ։ Բոլոր ծառերն ու շինությունները մնացին ջրի տակ։ Հետո էլ ասում են, թե ձուկ են բռնում–ուտում։ Բա ձուկն ուտելու համար է։ Ասածս ինչ է, ինչո՞ւ չեն մաքրում նախօրոք»,–ասաց տղամարդը։
Մեկ ուրիշ տղամարդ էլ նշեց, թե 3-4 հեկտար տարածք կա, որտեղ մեծ-մեծ ծառեր են մնացել ջրի տակ։ Տղամարդը վստահեցրեց, թե ուզել է իր ուժերով մաքրել այդ տարածքն առանց որևէ գումարի, բայց չեն թույլատրել, ասել են` նման հրաման չկա։
Դեմարկացիան և դելիմիտացիան ՀՀ–ի համար մերժելի չեն, և պետք չէ այդ բառերից վախենալ. Փաշինյան
Փաշինյանը հետաքրքրվեց` հիմա մաքրման գործընթաց գնո՞ւմ է, թե ոչ, ինչին տղամարդիկ բացասական պատասխան տվեցին։
«Տեսեք` ինչքան շինություն կա ջրի մեջ` էդ ո՞նց են մաքրում»,–ասացին նրանք։
Փաշինյանը հավելեց, որ հատուկ տեխնիկա կբերվի և կմաքրեն ջրի ներսում մնացած ծառերն ու շինությունները։
«Չեմ պատասխանելու հոգևորականների քստմնելի հայտարարությանը». Փաշինյանը սաղմոս կարդաց
Հիշեցնենք, որ Հայաստանում հունիսի 7–ից մեկնարկել է պաշտոնական քարոզարշավը։
Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։