ԵՐԵՎԱՆ, 3 հունիսի - Sputnik. Պատերազմից հետո Սյունիքի Շուռնուխ գյուղում առաջին անգամ պսակադրություն է տեղի ունեցել։ Տեղեկությունը Facebook-ի իր էջում հայտնում է Գորիսի փոխհամայնքապետ Իրինա Յոլյանը` նորապսակների լուսանկարը տեղադրելով։
Հայտնել էինք, որ այսօր Սյունիք է այցելել նաև Ամենայն Հայոց Կաթողիկոսը։
«Ամենայն Հայոց Կաթողիկոսը Շուռնուխում օրհնում է նորապսակներին»,–լուսանկարին կից գրել է Յոլյանը։
Հիշեցնենք, որ պատերազմից հետո` դեկտեմբերի 29–ին, ադրբեջանցիները Շուռնուխի բնակիչներին 1 օր ժամանակ էին տվել գյուղի կեսը, այսինքն` 12 տներն ազատելու համար։ Ավելի ուշ գյուղի 12 տների բնակիչները լքեցին տներն ու տեղափոխվեցին Հայաստանի վերահսկողության տակ մնացող հատված: Այսօր նրանք ժամանակավորապես տեղավորվել են գյուղի այլ տներում: Տեղահանվածների թվում է նաև Շուռնուխի գյուղապետ Հակոբ Արշակյանի ընտանիքը, որը բնակվում էր այդ 12 տներից մեկում։