ՀՀ կառավարության մոտ Ադրբեջանի հետ ստորագրվող փաստաթղթի դեմ բողոքի ակցիա իրականացնողները երթով շարժվեցին դեպի Ազգային ժողով, որտեղ հիմա վարչապետի պաշտոնակատար Նիկոլ Փաշինյանը ելույթ է ունենում:
Ինչպես արդեն հաղորդել էինք, այսօր, ժամը 17։00-ին Երևանի Հանրապետության հրապարակում հանրահավաքի են հրավիրել ՀՅԴ ՀԵՄ-ը և Կարին Տոնոյանի «5165» ազգային շարժումը և Արա Զոհրաբյանի «Զարթոնք» ազգային–քրիստոնեական նախաձեռնությունը։ Պատճառը աղմուկ հանած ենթադրյալ փաստաթուղթն է, որը Փաշինյանը պատրաստվում է ստորագրել ադրբեջանական և ռուսական կողմերի հետ։
Նրանք նաև պաշտպանության նախարարությունից և գլխավոր շտաբից պահանջում են կատարել երկրի պաշտպանության սահմանադրական պարտականությունները` ամրապնդել դիրքերը Սյունիքի և Գեղարքունիքի ուղղություններով, ինչպես նաև դադարեցնել ապատեղեկատվություն տարածելն ու հանրությանը ասել բացառապես ճշմարտությունը։
Ակցիային մասնակցում են «5165» ազգային շարժման ղեկավար Կարին Տոնոյանը, փաստաբանների պալատի նախագահ Արա Զոհրաբյանը և տարբեր հասարակական ու քաղաքական կազմակերպությունների ներկայացուցիչներ, մշակութային գործիչներ:
Ցուցարարները հայտարարել են, որ եկել է բեկումնային պահ և անհրաժեշտ է անցնել վճռական գործողությունների։
Հիշեցնենք, որ Միքայել Մինասյանը մայիսի 19–ին Facebook–ում գրել էր, որ երեկ երեկոյան ավարտվել է Հայաստանի և Ադրբեջանի միջև կնքվելիք նոր հայտարարության փաստաթղթի ձևակերպման աշխատանքը։
Նրա խոսքով` Այդ փաստաթղթում դիվանագիտորեն, գեղեցիկ ձևակերպումներով, ըստ էության, ձևակերպվում է նոր դեմարկացիան՝ Հայաստանի համար աղետալի հետևանքներով։
«Երևի Միշիկի անունը լսելիս ոտքերը թուլանում են». Փաշինյանն ԱԳՆ–ի` անտեղյակ լինելու մասին
Ըստ Մինասյանի` դեմարկացիան հիմնված է լինելու երեք սկզբունքի հիման վրա՝ ԽՍՀՄ քարտեզների, աշխարհագրական նպատակահարմարության և այդ պահին եղած իրական պատկերի։ Սրա հետևանքով, ըստ նրա, Նիկոլ Փաշինյանը քննարկման առարկա է դարձրել Տավուշի մարզի 5 գյուղերը և Արարատի մարզի մեկ գյուղն Ադրբեջանին հանձնելը։
Իսկ այսօր կառավարության նիստում ՀՀ վարչապետի պաշտոնակատար Նիկոլ Փաշինյանը հայտարարեց, որ պատրաստվում է ստորագրել այդ փաստաթուղթը։