Արթուր Կարապետյանի դիտարկմամբ`առարկայի ծրագրային վերաթարմացումը պայմանավորված է ոչ միայն ժամանակաշրջանի մարտահրավերներով ու մեր տարածաշրջանում առկա իրավիճակով, այլև այն հանգամանքով, որ ծրագիրն անցել է պարբերաբար վերաթարմացումների հունով, 1990-ական թվականներին առանձին իրավական ակտեր են մտել գործողության մեջ, իսկ 2011 թվականից ի վեր գործում են առկա դասագրքերը։
Ռազմավարժարանի փոխտնօրենը մասնավորապես անդրադարձել է ՆԶՊ ծրագրում ներառված հոգեբանական և ինժեներական պատրաստության դրույթներին, ինչպես նաև հանրակրթական դպրոցներից դուրս նախատեսված գործնական պարապմունքներին։
«Այս տարի կփորձարկվեն առաջին ռազմամարզական ճամբարի գործնական պարապմունքները, որոնց շրջանակներում երեխաները 12 օր կլինեն ճամբարում, սեփական ուժերով անմիջականորեն կիրականացնեն ռազմագիտական բոլոր գործողությունները` ծանոթանալով և՛ տեղագրությանը, և՛ մարտավարությանը, ինչպես նաև կանցնեն կրակային պատրաստություն։ Այդ ամենը նպատակաուղղված է նախևառաջ գործնական հմտությունների ձեռքբերմանը»,– նշեց Մոնթե Մելքոնյանի անվան ռազմամարզական վարժարանի փոխտնօրենը։
Ինչպես պետք է դասավանդվի «Ռազմագիտությունը» դպրոցներում. ռազմական վերլուծաբանի տեսակետը
Կարապետյանի խոսքով` մեծ ուշադրություն է դարձվում նաև ուսումնական ծրագիրը մատուցող կադրերի խնդիրին և արդեն իսկ գործընթացում ընգդրկված են պահեստազորի փորձառու սպաներ` գնդապետներից մինչև կապիտաններ, որոնք պատրաստ են իրենց գիտելիքներն ու հարուստ փորձը փոխանցել աշակերտներին։
Դպրոցականները 12 օր բանակային կյանքով կապրեն. ինչ անել ծրագիրն արդյունավետ դարձնելու համար