Անակնկալների օր
Առաջին օրն առանց միջադեպերի չանցավ։ Կամ մեծ հուզմունքից, կամ սուղ տեղեկատվության պատճառով, բայց 20 ուղևոր այդպես էլ Մոսկվա մեկնել չկարողացան։ Ոմանց չհաջողվեց վերբեռնել հավելվածը, մյուսները չէին ստացել կորոնավիրուսի թեստի պատասխանը, ոմանք էլ պարզապես չգիտեին, որ թեստը պետք է հանձնեն բացառապես «Ճանապարհորդում եմ առանց COVID-19»–ի հավելվածի ցանկում ներառված լաբորատորիաներում։
Նրանց ընդառաջեց «Արմենիա» ավիաընկերության ղեկավարությունը։ Ուղևորների տոմսերը պահպանվել են, և նրանք առաջիկա օրերին կմեկնեն այլ չվերթերով։
Միևնույն ժամանակ Ռուսաստանի քաղաքներ ինքնաթիռները ողջ ծանրաբեռնվածությամբ էին մեկնում` անկախ տոմսերի թանկությունիցhttps://armeniasputnik.am/armenia/։ Ինչպես Sputnik Արմենիայի թղթակցի հետ զրույցում պարզաբանեց «Արմենիա» ավիաընկերության փոխտնօրեն Գևորգ Խաչատրյանը, թանկացումն արհեստական չէր, այլ պայմանավորված էր բնակչության շրջանում տոմսերի մեծ պահանջարկով։ Արդյունքում մնացել էին միայն բիզնես դասի տոմսեր։
Ովքե՞ր և ի՞նչ նպատակով են մեկնում ՌԴ
Այն ուղևորները, որոնց հետ մեզ հաջողվեց զրուցել, հիմնականում Մոսկվա և Մոսկվայի մարզ էին մեկնում։ Բոլորն ուրախ էին ճանապարհների բացման համար, քանի որ սահմանափակումները զգալիորեն բարդացրել էին նրանց կյանքը։
Սոնա Արոյանը 4 տարեկան որդու` Թաթուլի և 10 տարեկան դստեր` Շուշանի հետ արդեն երեք տարի է` Մոսկվայում են ապրում։ Կինը երեխաների հետ Հայաստան էր եկել 2020թ.–ի մարտին։ Կորոնավիրուսի համավարակի պատճառով նրանք միայն մեկ տարի անց են կարողանում Ռուսաստան վերադառնալ։
«Վերջապես երեխաները կտեսնեն հայրիկին, իսկ ես` ամուսնուս։ Ամուսինս այնտեղ է աշխատում, նրա մոտ ենք գնում», – ասաց Արոյանը։
Նրա խոսքով` ինքն իր երեխաների ապագան այդ երկրի հետ է կապում։
Սիլվա Հարությունյանի պատմությունը նմանատիպ է։ Նա նույնպես երեխայի հետ մեկնում է Ռուսաստանում աշխատող ամուսնու մոտ։
Ով և ինչպես կարող է մուտք գործել Վրաստան․ երկիրն իր պայմաններն է դրել
Այս իրարանցման մեջ ուշադրություն է գրավում Արմինե Ասատրյանը։ կինը փորձում է զսպել արցունքները և թաքցնել տրամադրությունը։ Չի հաջողվում։ Նա արագ մաքրում է աչքերից գլորված արցունքները։ Զրույցից պարզվում է, որ նա եկել է որդուն, հարսին և 3 ամսական թոռնիկին Ռուսաստան ուղարկելու։ Նրա խոսքով` երիտասարդներն այլևս ապագա ու աճելու տեղ չեն տեսնում Հայաստանում։ Այդ պատճառով ուզում են ուժերը փորձել նոր վայրում։
Մանրամասները` տեսանյութում: