Տիգրան Աբրահամյանի դիտարկմամբ` պաշտոնական տեղեկատվության բացակայությունը շատ ավելի մտահոգիչ է դարձնում բոլոր լուրերը, որոնք կապված են հունվարի 11-ին Մոսկվայում կայանալիք Փաշինյան–Պուտին–Ալիև հանդիպման հետ։
Ըստ նրա` նոյեմբերի 9-ին ստորագրված հայտարարությանը հաջորդած իրադարձություններն ապահովել են վատ ֆոն, ինչն ավելի է մեծացրել հանրության անհանգստությունը։
«Ակնհայտ է, որ վերոհիշյալ հայտարարությունից բացի, կան նաև այլ պայմանավորվածություններ, ինչի մասին վկայեց վարչապետն իր վերջին հարցազրույցներից մեկում։ Փաշինյանը դա ձևակերպում է որպես բանավոր փոխըմբռնում, ինչն ինքնին վտանգավոր է դարձնում իրավիճակը, որովհետև բանավոր փոխըմբռնման արդյունքում փաստորեն Հայաստանի Հանրապետությունը և Արցախը զիջել են տարածքներ»,– նշեց «Հենակետ» վերլուծական կենտրոնի ղեկավարը։
Աբրահամյանի կարծիքով` հունվարի 11-ի եռակողմ հանդիպումից առաջ ունենք հանձնված տարածքներ, իսկ Ադրբեջանն այդքանով չի բավարարվում, ուստի ցանկանում է հասնել նաև բանավոր համաձայնությունների իրավական ամրագրման։
Հայտարարության մեջ «Մեղրի» կամ «միջանցք» բառեր չկան. Փաշինյանի անդրադարձը