Ադրբեջանական զինուժը շարունակում է հրետակոծել Արցախի Մարտունի քաղաքը։ Այս գիշեր ևս քաղաքում հրետակոծության ձայների պակաս չի եղել։ Sputnik Արմենիայի թղթակիցը Մարտունուց տեսանյութ է ուղարկել, որում ցուցադրում է, թե ինչպես է թշնամու կրակից տուժել տեղի միջնակարգ դպրոցը։
Դպրոցի պատուհաններն ամբողջությամբ փշրվել են. «Գրադ» համազարկային կրակի ռեակտիվ կայանքի արկերն ընկել են դպրոցի և մանկապարտեզի մեջտեղում ընկած տարածքում։
Տեղական իշխանության ներկայացուցիչները Sputnik Արմենիայի թղթակցի հետ զրույցում նշում են, որ արդեն դժվար է ասել, թե քաղաքացիական նշանակության օբյեկտները կոնկրետ երբ են վնասվել, քանի որ հրետակոծությունը չի դադարում։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 15-ի ժամը 14:00-ի դրությամբ` հակառակորդի կրակոցների հետևանքով զոհվել են 604 զինծառայողներ և 32 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:
«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը