ԵՐԵՎԱՆ, 2 հոկտեմբերի - Sputnik. Կանադայի արտգործնախարար Ֆրանսուա-Ֆիլիպ Շամպանը հայտարարել է, որ իր երկիրը պատրաստ է սառեցնել Թուրքիային ռազմական տեխնիկա մատակարարելու թույլտվությունները, եթե պարզվի, որ այն օգտագործվում է մարդու իրավունքները խախտելու համար։ Տեղեկությունը հայտնում է CBC հեռուստաալիքը՝ վկայակոչելով Canadian Press-ին։
«Ես մեր պաշտոնյաներին հանձնարարել եմ հետաքննել այդ պնդումները և պատրաստ եմ չեղարկել ցանկացած թույլտվություն, եթե պարզվի, որ դրանք չարաշահվել են», – հայտարարել է Շամպանը։
Կանադայի արտգործնախարարը և նրա բրիտանացի գործընկեր Դոմինիկ Ռաաբը մտահոգություն են հայտնել Լեռնային Ղարաբաղի լայնածավալ ռազմական հակամարտության կապակցությամբ և կողմերին կոչ են արել խաղաղ բանակցություններ սկսել ԵԱՀԿ շրջանակներում:
Նշենք, որ Project Ploughshares կանադական հետազոտական կազմակերպությունը, որն ուսումնասիրում է ռազմական տեխնիկայի մատակարարումները, զեկույց է հրապարակել կանադական օպտիկական սենսորները Թուրքիա մատակարարելու մասին, որտեղ դրանք օգտագործվում են անօդաչու սարքերի հավաքման համար: Կազմակերպությունը տվյալները հավաքել է բաց աղբյուրներից, մամուլի հրապարակումներից, ինչպես նաև հետազոտական հոդվածներից և մարդու իրավունքների վերաբերյալ հաշվետվություններից: Հավաքած տվյալների համաձայն՝ Թուրքիան այդ սենսորները օգտագործում է 2017 թվականից։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ադրբեջանի սանձազերծած ագրեսիայի ընթացքում Թուրքիան աջակցում է Ադրբեջանին։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի