Հադրութը հրետակոծված Արցախի մի քանի տասնյակ բնակավայրերից մեկն է։ Քաղաքին հիմնականում հարվածներ են հասցրել «Սմերչ» զինատեսակից։ Հրետակոծության հետևանքով վնասվել են տներ ինչպես հենց Հադրութում, այնպես էլ շրջակա գյուղերում։ Տեղի բնակիչներից մեկը մեր նկարահանող խմբին ցույց է տվել, թե որտեղ է ընկել արկերից մեկը։
Ի պատասխան մեր հարցերի՝ տղամարդը չի կարողանում զսպել արցունքները, հետո խեղդված հեկեկոց է լսվում։ Սեպտեմբերի 27-ի հրետակոծության հետևանքով կնոջն է կորցրել, նրան հողին է հանձնել հաջորդ օրն առավոտյան։
Ողբերգությունը սեպտեմբերի 27-ի ցերեկն է տեղի ունեցել։ Նա մի պահ տնից դուրս էր եկել, երբ արկն ընկավ, ամենայն հավանականությամբ՝ «Սմերչի» արձակած։
Կինն էլ էր բակում՝ փոքրիկ ծառի հետևում նստած։ Տղամարդը ցույց է տալիս այդ տեղը, հետո մոտենում, ինքն էլ է նստում այն նույն տեղում, որտեղ երկու օր առաջ կինն էր նստած։
ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել
Ծանր վիրավոր կնոջը փորձել էին հիվանդանոց տեղափոխել, սակայն չէին հասցրել. նա մահացել է։ Հրաշքով փրկված ամուսինը չի պատկերացնում, թե ինչպես է շարունակելու ապրել, իր տեղը չի գտնում։