Ադրբեջանը պետք է իմանա, որ իր դիմաց կանգնած է բանակի վերածված ողջ հայությունը։ Նման ուղերձով է հանդես եկել Արամ Ա. կաթողիկոսը` իր զորակցությունը հայտնելով հայ ժողովրդին և հայոց բանակին։
«Թշնամին դարձյալ իր արյունաթաթախ սուրն Արցախի ճանապարհով ուղղել է ողջ հայության վրա։ Ադրբեջանը պետք է քաջ գիտենա, որ Արցախը մերն է ու միշտ մերը պետք է մնա»,–ասել է կաթողիկոսը։
Նրա խոսքով` միջազգային հանրությունը պետք է անդրադառնա այն հարցին, որ Ադրբեջանին հրահրողը Թուրքիան է։ Թուրքիան իր տնտեսական, քաղաքական, զինվորական միջամտությամբ ապակայունթյուն է մտցրել արաբական երկրների, իսլամական աշխարհի ներսում, և հիմա էլ Կովկասն է ուզում իրար խառնել։
Ըստ Արամ Ա–ի` միջազգային համայնքը չպետք է լուռ ու անտարբեր մնա: Նա միասնության կոչ է արել` նշելով, որ Վարդան Մամիկոնյանների, Խրիմյան Հայրիկների ու Արամ Մանուկյանների զավակները պետք է միահամուռ լինեն։
«Միացեք հայեր, Արցախն է ձեզ կանչում»,– հավելել է Արամ Ա–ն։
«Հպարտ և շնորհակալ եմ մեր ժողովրդին». Արայիկ Հարությունյանը դիմել է բնակչությանը
Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։
Հակառակորդը «Սմերչ» է օգտագործել. տեսանյութ
Հակառակորդի կրակոցների հետևանքով զոհվել են 31 զինծառայողներ և 2 քաղաքացիական անձինք։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։