Պետական եկամուտների կոմիտեի hետաքննության և օպերատիվ հետախուզության վարչության աշխատակիցների կողմից բացահայտվել է տնտեսական հանցագործության հերթական դեպքը։
Ինչպես տեղեկացնում են ՊԵԿ մամուլի ծառայությունից, փաստաթղթերում կեղծ տվյալներ ներառելու միջոցով բեռնատար ավտոմեքենայով փորձ է արվել կազմակերպել Ռուսաստանի Դաշնությունից Հայաստան մեծ քանակությամբ ավտոմեքենայի շարժիչային յուղի ներկրում։
Ա.Պ.-ի կողմից վարվող «ԴԱՖ» մակնիշի բեռնատար ավտոմեքենան մուտք է գործել ՊԵԿ արևելյան մաքսատուն-վարչության Բագրատաշենի մաքսային կետ-բաժնի տարածք, որտեղ համապատասխան ձևակերպումներ ստանալու նպատակով վարորդի կողմից ներկայացվել է կեղծ հաշիվ ապրանքագիր: Կեղծ ապրանքագրերով Ռուսաստանի Դաշնությունում գնված և ՀՀ տեղափոխվող ավտոյուղը ներկայացվել է իբրև արևածաղկի հիդրոֆուզ (յուղային մզվածք)։
Ավտոմեքենայում կատարված հետազոտման արդյունքում, սակայն, ՊԵԿ աշխատակիցները հայտնաբերվել են ցորենի թեփի պարկերի տակ թաքցված ավելի քան 6 000 լիտր «SINTEC», «GAZPROMNEFT», «ROSNEFT» և «ROLF» տեսակի շարժիչային յուղեր։
Բեռնատարն ու ապրանքներն առգրավվել են։
Բժշկական որոշ ապրանքներ արտահանելիս ՊԵԿ թույլտվությունն այլևս անհրաժեշտ չէ
Դեպքի առթիվ ՀՀ ՊԵԿ հետաքննության և օպերատիվ հետախուզության վարչությունում հարուցվել է քրեական գործ։ Միջոցներ են ձեռնարկվում հանցավոր շղթայում ներգրավված անձանց շրջանակը, ինչպես նաև պետությանը պատճառված վնասի վերջնական չափը հստակեցնելու ուղղությամբ։