«2 օրով հոկտեմբերը գալիս է». Սուրենյանի գրառմանը օգտատերերը բուռն ու կատակով են արձագանքել

Գագիկ Սուրենյանի վերջին գրառումը փչացրել է ամառասեր օգտատերերի տրամադրությունը։ Նրանցից շատերն արձագանքնել են հրապարակմանը։
Sputnik

ԵՐԵՎԱՆ, 21 օգոստոսի — Sputnik. Հայաստանում ջերմաստիճանի անկումը կշարունակվի։ Տեղեկությունը Facebook–ի իր էջում հայտնել է Շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

«Վաղվանից երկու օրով հոկտեմբերը գալիս է ու հետ գնա։ Չզարմանաք»,–գրել է Սուրենյանը։

Հիվանդ երեխաների օգնական ու ընկեր ռոբոտ Ռոբինը. Փաշինյանը նոր տեսանյութ է հրապարակել

Ինչպես միշտ նրա գրառմանը հետևորդները շատ բուռն ու հումորով են արձագանքել։

«Սեպտեմբեր էլ չէ, հոկտեմբե՞ր, հա՞»,«Կոնկրետ հոկտեմբերի քանի՞սն է գալիս, ծնունդս չանցնի հանկարծ», «Կարևորը հետադարձ տոմս ունի», «Էս 2020-ը մեզ լրիվ ձեռ է առնում»,–կատակել են հետևորդները։

ՀՀ ԱԻՆ տվյալներով`օգոստոսի 21-ի երեկոյան Հայաստանի հյուսիսային շրջաններում, 22-23-ը ժամանակ առ ժամանակ շրջանների զգալի մասում, 24-ին արևելյան շրջաններում սպասվում է անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ, առանձին վայրերում հնարավոր է կարկուտ:

Մոսկվա-Երևան չվերթի ժամի փոփոխություն է տեղի ունեցել

Օդի ջերմաստիճանն օգոստոսի 21-ն աստիճանաբար կբարձրանա 4-5, 22-23-ը կնվազի 11-13 աստիճանով:

Երևանում այսօր սպասվում է առանց տեղումների եղանակ, օդի ջերմաստիճանը ցերեկային ժամերին կտատանվի +34-ից +36, երեկոյան՝ +28-ից +30 աստիճանի սահմանում: