ԵՐԵՎԱՆ, 19 օգոստոսի — Sputnik. Քիչ առաջ ողբերգական դեպք է տեղի ունեցել Գեղարքունիքի մարզում. Shamshyan.com–ի տեղեկություններով` 4-ամյա մի երեխա հոսանքահարվել է և մահացել։
«Ժամը 19:30-ի սահմաններում «Հրազդան» ԲԿ–ից ոստիկանության Հրազդանի բաժին ահազանգ է ստացվել, որ բժիշկների հերթապահ խումբը իրենց մոտ է տեղափոխել մի երեխայի՝ մահացած վիճակում: Ոստիկանները պարզել են, որ երեխան 4-ամյա տղա է, որը հիվանդանոց է տեղափոխվել Գեղարքունիքի մարզի Գագարին ավանից»,–նշված է կայքում։
«Հրազդանի» ԲԿ–ից Sputnik Արմենիային հայտնեցին, որ երեխան իրենց մոտ է տեղափոխվել սրտի կանգով։ Նա հոսանքահարվել է։
Այս պահին երեխայի բնակության վայր է մեկնել ոստիկանության օպերատիվ խումբը:
Ինչու է պապը պարբերաբար ծեծել 6–ամյա և 4–ամյա թոռներին. ՔԿ–ն մանրամասներ է ներկայացրել