ԵՐԵՎԱՆ, 20 ապրիլի – Sputnik․ Կարանտինն ու ինքնամեկուսացումը դեռևս շարունակում են կորոնավիրուսի տարածումը կանխող ամենագործուն միջոցները մնալ, մինչդեռ կարանտինը շատերի համար բավական լուրջ խնդիր է առաջացնում։
Այս ընթացքում հեշտությամբ կարելի է ավելորդ քաշ հավաքել, քանի որ մարդիկ ավելի քիչ են շարժվում, իսկ գայթակղություններն ավելի շատ են։ Ձանձրույթից «մի բան ուտելը» նույնպես ակտուալ է։
Իսկ այս պայմաններում ինչպե՞ս պահպանել կազմվածքը և չգիրանալ կարանտինի ընթացքում։ Մասնագետներն այդ առիթով մի քանի խորհուրդներ են տալիս։
Առաջին հերթին պետք է մարմնամարզությամբ զբաղվել, արթնանալուց հետո առաջին կես ժամվա ընթացքում կարելի է պարզ վարժություններ անել, «բացել» մկանները։ Այն կաշխուժացնի և կառույգացնի ձեզ։
Հարսանիքից հետո կարանտին. ինչպես են Կանտարիա ամուսինները Երևանում բուժում վարակվածներին
Չի կարելի բաց թողնել նախաճաշը։ Սա երկրորդ կարևոր կանոնն է։ Արթնանալուց հետո մեկ ժամվա ընթացքում անպայման պետք է նախաճաշել։ Նախաճաշը նպաստում է արյան մեջ շաքարի նորմալ մակարդակի պահպանմանը, կարգավորում է նյութափոխանակությունը։ Կարևորը ճիշտ սննդատեսակ ընտրելն է։
Մասնագետները խորհուրդ են տալիս առավոտյան, մինչև որևէ բան ուտելը մի բաժակ ջուր խմել, ցանկալի է՝ կիտրոնով։
Բացօթյա զբոսանքներն անհրաժեշտ են անգամ կարանտինի ժամանակ․ կարող եք զբոսայգիներ կամ այլ վայրեր ընտրել, որտեղ հնարավոր կլինի անվտանգ հեռավորություն պահպանել։ Տանը կարելի է պարել, վիդեոկապով զանգահարել ընկերներին և իսկական պարային երեկույթ ստեղծել։
Բացի այդ, կարելի է ընդհանուր մաքրություն սկսել։ Այն միանգամայն կարող է փոխարինել մարզասրահի պարապմունքին։
Եվ ևս մի կարևոր խորհուրդ․ անհրաժեշտ է կառավարել ախորժակը։ Եթե քաղց եք զգում, մի քիչ ջուր խմեք և քիչ անց կհասկանաք՝ իրոք ուտել էիք ուզում, թե փորձում էիք այդ կերպ ցրել ձանձրույթը։
Եվ վերջում՝ անհրաժեշտ է սահամանափակել սոցիալական ցանցերում և ինտերնետում անցկացրած ժամանակը։ Դա նույնպես կարող է հանգեցնել սթրեսի, իսկ սթրեսը նյութափոխանակությունը խաթարող և ավելորդ քաշ հավաքելուն նպաստող ամենաուժեղ գործոնն է։
Ինչպես չգիրանալ, երբ տանն ես. պայքարին միացել են սննդաբաններն ու մարզիչները