ԵՐԵՎԱՆ, 17 ապրիլի — Sputnik. Գեղարքունիքի մարզում այսօր՝ ապրիլի 17-ին, կորոնավիրուսով վարակված քաղաքացին մասնագիտությամբ բժշկուհի է։
Sputnik Արմենիայի տեղեկություններով` նա տեղափոխվել է երևանյան հիվանդանոցներից մեկը։ Կինը թոքաբորբ չունի և իրեն լավ է զգում։
Մարզի առողջապահության և սոցիալական ապահովության վարչության պետ Լուսինե Վարդանյանը Sputnik Արմենիայի հետ զրույցում նշեց, թե չի կարող ասել` որտեղ է աշխատում վարակված քաղաքացին, սակայն վերջին 1 շաբաթում նա աշխատանքի չի հաճախել։
Հիշեցնենք, որ Գեղարքունիքի մարզպետ Գնել Սանոսյանը Facebook սոցցանցի իր էջում գրառում էր արել` հայտնելով, որ աշխատանքներ են տարվում կորոնավիրուսով վարակված քաղաքացու շփման շրջանակը պարզելու համար։ Այսօրվա դրությամբ Հայաստանում կորոնավիրուսով վարակվածների թիվը 1201 է։
«Համավարակից տևական ժամանակ զերծ մնալը երջանիկ պատահականություն էր». Գեղարքունիքի մարզպետ