Այս օրերին, երբ Իտալիայում տարածվում է COVID-19-ը, Rimbamband խումբը հումորային տեսահոլովակով զվարճացնում է համացանցի օգտատերերին։
Երիտասարդները որոշել են ևս մեկ անգամ հիշեցնել անվտանգության կանխարգելիչ միջոցների մասին ու ջանք չեն խնայել, որ իրենց երկար ժամանակ չմոռանան։
Իտալացիները գրոտեսկային շարժումներով ցուցադրում են՝ ինչպես է պետք բարևել միմյանց, ինչպես է պետք ձեռքերը լվանալ ու ինչ վնասակար սովորություններից պետք է գոնե ժամանակավորապես հրաժարվել։
«Հոտոտել սխտորը». 7–ամյա հայ աղջնակը «գտել» է կորոնավիրուսի դեմ պայքարի ձևը. տեսանյութ
«Ուզում էինք մի քանի հասարակ խորհուրդներ ցույց տալ։ Այս տեսահոլովակը նկարել ենք դեռ այն ժամանակ, երբ Իտալիան «կարմիր գոտի» չէր համարվել», - տեսանյութի նկարագրության մեջ գրել են երիտասարդները։
«Հիանալի է, դուք հիասքանչ եք», «շնորհակալություն, միշտ մի քայլ առաջ եք», «խուճապի ու վախի այս մթնոլորտում կարողանում եք ուրախացնել մեզ», «շնորհակալություն, որ նույնիսկ այս տխուր պահերին մեզ ժպիտ եք պարգևում»,– արձագանքել են մարդիկ։
Մարտի 10-ին երկրում կարանտին ու «կարմիր գոտի» են հայտարարել, որի ժամանակ սահմանափակվում է ոչ միայն երկիր ժամանողների կամ լքողների տեղաշարժը, այլև տեղափոխությունները Իտալիայի ներսում։
Կրակոտ պար կորոնավիրուսի դեմ. «Դոմոդեդովոյում» կինը խուճապ է ցրում. տեսանյութ