Երևանի Կարեն Դեմիրճյանի անվան մետրոպոլիտենի ուղևորներն այսօր աշխատանքից տուն վերադառնալու ժամին ոչ միայն երթևեկեցին ՀՀ վարչապետ Նիկոլ Փաշինյանի հետ, այլև նրա ձեռքից ստացան ապրիլի 5–ին կայանալիք սահմանադրական հանրաքվեի քարոզչական գրքույկներից, որոնք կոչվում են «Հայաստանի հպարտ քաղաքացու անձնագիր»։
Ինչու որոշվեց ՍԴ հարցը լուծել հանրաքվեով. Բադալյանը` առաջիկա ընտրությունների մասին
Արդեն տեղեկացրել ենք, որ նա քարոզարշավ էր անում իր ավագ դուստրերի` Մարիամի և Շուշանի հետ:
Վարչապետը «Հանրապետության հրապարակ» կայարանից գնաց մինչև մետրոյի վերջին` «Գարեգին Նժդեհ» կայարան։
Մետրոյի ուղևորներին վարչապետը ոչ միայն սահմանադրական փոփոխությունների օգտին քարոզող «Հայաստանի հպարտ քաղաքացու անձնագիր» գրքույկն էր բաժանում, այլ նաև զրույցի բռնվում նրանց հետ։ Նա հորդորում էր անպայման մասնակցել սահմանադրական փոփոխությունների հանրաքվեին և կողմ քվեարկել։
«Հանրաքվեն մեր քաղաքական ուժի քմահաճույքի համար չենք կազմակերպել». Փամբուխչյան
Վարչապետին հիմնականում լավ էին ընդունում, սակայն նրան նաև տհաճ անակնկալ էր սպասում։ Մետրոյի ուղևորներից մեկը` մի երիտասարդ աղջիկ, ճղեց վարչապետի տված նախընտրական գրքույկն ու շպրտեց նրա վրա։
Փաշինյանը, սակայն, չկորցրեց իրեն, ասելով, որ ժողովրդավարությունը հենց դա է, որ մարդիկ կարող են տարակարծիք լինել։
Հիշեցնենք, որ սահմանադրական փոփոխությունների հանրաքվեն կկայանա ապրիլի 5–ին։ Քարոզարշավը մեկնարկել է մարտի 2-ին և կտևի մինչև ապրիլի 3-ը։
Կառավարությունը ֆինանսավորեց հանրաքվեն. մոտ 3 ու կես մլրդ դրամի մեծ մասն աշխատավարձերն են