ԵՐԵՎԱՆ, 22 փետրվարի — Sputnik. ՀՀ առողջապահական և աշխատանքի տեսչական մարմնի ղեկավար Հակոբ Ավագյանի հանձնարարությամբ աշխատանքային խումբ է գործուղվել Մեղրիի բժշկասանիտարական հսկիչ կետ` հետևելու սահմանին ուժեղացված ռեժիմով վերահսկողական աշխատանքների ընթացքին։ Լուրը Facebook–ի իր էջում հրապարակել է ՀՀ առողջապահական և աշխատանքի տեսչական մարմինը։
Մոլորակի բնակչության 66%–ը կարող է կորոնավիրուսով վարակվել. ԱՀԿ փորձագետ
Նշվում է, որ այս ընթացքում Մեղրիի հսկիչ կետում որևէ մեկի մոտ բարձր ջերմություն և վարակիչ հիվանդությանը բնորոշ կլինիկական ախտանշաններ չեն արձանագրվել։
Ենթադրվում է, որ վարակը մարդկանց է փոխանցվել վայրի կենդանիներից։ Գիտականորեն ապացուցվել է, որ փոխանցման հիմնական գործոն են դարձել թեթև նախուտեստները, մասնավորապես՝ ծովամթերքից և օձից պատրաստված։
2020 թ.–ի փետրվարի 21–ի դրությամբ Չինաստանում կորոնավիրուսի զոհերի թիվը հասել է 2236-ի։ Վարակվածության հաստատված դեպքերն անցել են 75,4 հազարի ցուցանիշը։
Կորոնավիրուսն առարկաների վրա կարող է ապրել ավելի երկար, քան ենթադրվում էր․ հետազոտություն
Մահաբեր վիրուսն արդեն դուրս է եկել Չինաստանի սահմաններից ու անգամ Հայաստանին սահմանակից Իրան հասել։ Փետրվարի 19–ին Իրանի իշխանությունը հաստատեց երկրում կորոնավիրուսի վարակի երկու դեպքի մասին տեղեկությունը։ Այսօրվա դրությամբ արդեն Իրանում կորոնավիրուսը 5 մարդու կյանք է խլել։ ՀՀ առողջապահության նախարարությունը փետրվարի 20–ին հայտարարել էր, որ ուժեղացվել են Իրանի հետ սահմանի Մեղրիի սահմանային անցակետով անցնող, ինչպես նաև Իրանից օդանավով Հայաստան ժամանող ուղևորների հսկողությունը: Կասկածելի բոլոր դեպքերում կատարվում է նաև հսկողություն Հայաստանի ամբողջ տարածքում:
ՀՀ–ում մինչ օրս կորոնավիրուսով վարակի դեպք չի գրանցվել:
Ինչպես են Ուհանում բուժքույրերը պարում կորոնավիրուսով հիվանդների համար. տեսանյութ