ԵՐԵՎԱՆ, 20 փետրվարի — Sputnik. Նախօրեին Իրանի Ղոմ քաղաքում կորոնավիրուսի հետևանքով երկու քաղաքացի է մահացել, գրում է իրանական ԻՌՆԱ գործակալությունը` հղում անելով ԻԻՀ առողջապահության նախարարության պաշտոնյանին։
Նրա խոսքով` տարեց իրանցիների մոտ կորոնավիրուս է ախտորոշվել, և նրանք մահացել են։
Ավելի վաղ Իրանի առողջապահության նախարարությունը հաստատել էր այն տեղեկությունը, որ երկրի երկու քաղաքացի կորոնավիրուսով են վարակվել։
Իրանի կառավարության ներկայացուցիչ Ալի Ռաբիի խոսքով` սրանք Իրանում COVID-19–ով վարակվելու առաջին դեպքերն էին։
Ղոմ քաղաքի դպրոցներում այսօր դասերը դադարեցվել են։
Չինաստանում կորոնավիրուսից մահացածների թիվը հատել է 2000–ի սահմանը
Հինգշաբթի օրվա դրությամբ` COVID-19 կորոնավիրուսից մահացածների թիվն հասել է 2118-ի, վարակվածների ընդհանուր թիվը գերազանցում է 74.500-ը, մոտ 12000-ը մարդ ծանր վիճակում են։ Բուժվել է 16000 մարդ։
Կարանտինում գտնվող հայուհուն դուրս են գրել Նուր–Սուլթանի հիվանդանոցից
2019 թվականի դեկտեմբերի 31-ին Չինաստանի իշխանությունները ԱՀԿ-ին հայտնել էին չինական Ուհան քաղաքում անհայտ թոքաբորբի բռնկման մասին: Մասնագետները պարզել են, որ հիվանդության հարուցիչը Կորոնավիրուսն է` 2019-nCoV։ Բժիշկների խոսքով ՝ կորոնավիրուսին բնորոշ են այնպիսի ախտանշաններ, ինչպիսիք են մրսածությունը, հազը, կոկորդի ցավը և կրծքավանդակում սեղմման զգացումը: Ռիսկի գոտում են թույլ իմունային համակարգ ունեցող մարդիկ, երեխաներն ու տարեցները։