ԵՐԵՎԱՆ, 1 փետրվարի — Sputnik. ՀՀ քննչական կոմիտեն ավարտել է Արմավիրի մարզում կատարված սարսափելի հանցագործության քննությունը ու որոշ մանրամասներ ներկայացրել կատարվածի մասին։
Նախաքննությամբ ձեռք բերված տվյալներով` Արմավիրի մարզի բնակչուհին իր անչափահաս` 12-ամյա դստեր հետ բնակություն է հաստատել նույն մարզի 63-ամյա մի տղամարդու տանը։ Վերջինը, իբր, նրանց սոցիալական վիճակից դրդված թույլ է տվել անվարձահատույց բնակվել իր տանը։
Անչափահաս աղջիկը, մոր գիտությամբ, հաճախակի տանը մենակ է մնացել տղամարդու հետ։ Վերջինը, օգտվելով աղջկա անօգնական վիճակից, 2017թ. դեկտեմբերից մինչև 2018թ. մարտի 8-ը, պարբերաբար սեքսուալ բնույթի բռնի գործողությունների ենթարկվել 63-ամյա տղամարդու կողմից, ով սպառնացել է, որ եթե երեխան ինչ-որ մեկին պատմի այդ մասին, ինքը կվռնդի նրանց իր տնից։
Քննությունը պարզել է, որ տղամարդու հանցավոր գործողություններից տուժել է ոչ միայն իր տանը բնակվող աղջիկը, այլև նրա 10-ամյա ընկերուհին։ 2018թ. մարտի 8-9-ին երկու աղջիկները ջուր վերցնելու համար գնացել են 63-ամյա տղամարդու տուն, որտեղ նա անառակաբարո գործողություններ է կատարել նաև 2008թ. ծնված աղջիկ երեխայի նկատմամբ:
ՄԻՊ–ն ընդունել է 10–ամյա տղային և նրա մորը, որը պնդում է` որդուն պարբերաբար բռնաբարել են
Արմավիրի մարզի 63-ամյա բնակչին մեղադրանք է առաջադրվել տասնչորս տարին չլրացած անձի նկատմամբ սեքսուալ բնույթի բռնի գործողություններ կատարելու և տասներկու տարին չլրացած անձի նկատմամբ անառակաբարո գործողություններ կատարելու համար։
Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել նախաքննության օրինականության նկատմամբ հսկողություն իրականացնող դատախազին:
Նշենք, որ այս արարքների համար նախատեսված է մինչև 15 տարվա ազատազրկում։