Հարցման արդյունքում պարզվեց, որ վարորդներից ոմանք դժգոհ են բալային համակարգից։ Նրանք կարծում են, որ 9 բալը քիչ է տաքսու վարորդի համար։
«Համակարգը մշակման կարիք ունի։ Օրինակ` ես քշում եմ օրական մոտ 200 կմ, կանգնելու ոչ մի տեղ չկա։ Եթե այդպես հաշվարկես, իմ միակ հացի աղբյուրը սա է»,- ասաց վարորդներից մեկը։
Դրական պատասխաններ ևս հնչեցին։ Վարորդներից ոմանք նշեցին, որ նոր համակարգը կարգուկանոն է ապահովում։
«Մի քիչ զգույշ ենք քշում»,– ասաց նրանցից մեկը։
Սահնակի փոխարեն տաքսի. ինչպես Մարությանը որոշեց Ձմեռ պապ դառնալ. տեսանյութ
Վարորդները լսել են նաև բալերը վաճառելու մասին ու զարմացել։ Դիտեք Sputnik Արմենիայի տեսանյութը և լսեք նոր համակարգի վերաբերյալ կարծիքները։
Թաղանթապատված հողմապակու փաստով կազմված արձանագրությունն այլևս չի բեկանվելու. տեսանյութ
Հիշեցնենք, որ հունվարի 1-ից ուժի մեջ մտած բալային համակարգի համաձայն` նվազել են նաև տուգանքների չափերը։ Օրինակ` անսթափ վիճակում ավտոմեքենան վարելու համար գործող 150 000 տուգանքի փոխարեն կիրառվելու է 29 000 դրամ տուգանք, փոխարենը` անսթափ վարորդի բալերից հանվելու է միանգամից 4–ը։ Իսկ եթե անսթափ վարորդը հանրային տրանսպորտի կամ տաքսու վարորդ է, նա վարորդական իրավունքից 6 ամսով կզրկվի հենց առաջին խախտման դեպքում։
Ինչ անել ուրիշի խախտման պատճառով վարորդական իրավունքից չզրկվելու համար. տեսանյութ