Ատոմ Մարգարյանի դիտարկմամբ՝ բերված թվերը մոտ են իրականությանը, պաշտոնական ձևաչափում իհարկե կարելի էր նման թռիչք սպասել, բայց ամբողջ հարցն այն է, թե ի՞նչ կա Փաշինյանի ներկայացրած թվերի հետևում, ինչի՞ հաշվին է եղել այդ տնտեսական ակտիվությունը գրանցվել և ո՞րոնք են եղել շարժիչները:
«Գաղտնիք չէ, որ այս տարին ավտոներկրումների առումով բում էր: Թերևս 7-8 անգամ շատ մեքենաներ են ներկրվել, ընդ որում՝ ժամկետներն անցած, բնապահպանական ռիսկերով, իսկ մի մասն էլ ուղղակի բերվել է որպես մետաղի ջարդոն, վերանորոգվել ու արտահանվել է: Եթե նայենք այս շղթան՝ հարակից ծառայություններից սկսած, վերջացրած հարկային մաքսատուրքերով, ինչպես նաև այդ ամենը շուկայում իրացնելու հետ կապված ավելացված արժեքը, ապա սա իհարկե աննախադեպ, բացառիկ տարի էր։ Բայց եթե նայենք տնտեսագիտորեն, ապա դա տոկսիկ աճ է, այսինքն` չի կարող մյուս տարիներին լինել։ Հետևաբար, դրա հետ կապված հաջորդ տարվա համար տնտեսական աճի կանխատեսում և ակնկալիքներ չկան»,- նշում է տնտեսագետը:
Մյուս գործոնն, ըստ Ատոմ Մարգարյանի, խաղային բիզնեսն է, որն այս կարճ ժամանակամիջոցի համար որոշակի աղբյուր է հանդիսացել։ Նաև ծառայությունների ոլորտը, մասնավորապես այն հատվածը, որն ավանդաբար վերջին տարիներին որոշել է զարգացման թրենդը: Մարդիկ, այսրոպեական եկամուտների ակնկալիքից ելնելով, միջոցներ են ներդրել, ինչն ապահովել է նշված աճի կոմպոնենտը:
Հարստանալ և հարստացնել հայրենիքը. Փաշինյանն ընդունել է գործարարներին
Տնտեսագետի գնահատմամբ՝ երրորդն այսպես կոչված պարտքով աճի գործոնն է: Խոսքը վերաբերում է սպառողական վարկերի և հիփոթեքային վարկերի աննախադեպ բումին: Այսինքն՝ մարդիկ ծախսում են պարտք վերցնելով, հետևաբար, առևտրային բանկերի ու հատկապես վաշխառուական թրենդի մեջ գտնվող մասնագիտացած վարկային կազմակերպությունների շրջանառություններն են նշված աճն ապահովել:
Ըստ Մարգարյանի՝ այս երեք գործոնների համադրության դեպքում բարձր տնտեսական ակտիվության հետևում կարելի է տեսնել լուրջ ռիսկերի ու մտահոգությունների դաշտ:
Փաշինյանը տարին ամփոփում է լավ տրամադրությամբ. որն է պատճառը
Հիշեցնենք, որ Նիկոլ Փաշինյանն իր ֆեյսբուքյան էջում զետեղել էր տեղեկատվություն, ըստ որի՝ 2019 թվականի նոյեմբերը խփեց տարվա տնտեսական ռեկորդը: Տնտեսական ակտիվության ցուցանիշը կազմել է 10.1 տոկոս, իսկ արտահանման աճը՝ 25.7 տոկոս: