ԵՐԵՎԱՆ, 18 դեկտեմբերի – Sputnik.Հայաստանում դեկտեմբերի 19-23-ը սպասվում է առանց տեղումների եղանակ: Քամին կդիտվի հարավարևմտյան՝ 3-8 մ/վ: Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
Օդի ջերմաստիճանն այսօրվանից աստիճանաբար կբարձրանա 3-5 աստիճանով:
Երևանում նույնպես սպասվում է առանց տեղումների եղանակ։ Մայրաքաղաքում այսօր ցերեկային ժամերին սպասվում է +12-ից +14, երեկոյան` +6-ից +8, իսկ գիշերային ժամերին` 0-ից +2 աստիճան։
Գիշերային ժամերին ամենացուրտը կգրանցվի Կոտայքի, Արագածոտնի, Վայոց Ձորի լեռներում և Շիրակի, Գեղարքունիքի մարզերում։