ԵՐԵՎԱՆ, 30 նոյեմբերի –Sputnik. Վրացի երգիչ և պրոդյուսեր Բերա Իվանիշվիլին և մոդել Նանուկա Գուդավաձեն առաջին անգամ ծնող են դարձել, Facebook–ի իր էջում այս մասին հայտնում է լրագրող Նինո Ջգարկավան։
Բերան միլիարդատեր և «Վրացական երազանք» իշխող կուսակցության հիմնադիր Բիձինա Իվանիշվիլիի որդին է, այդ է պատճառը, որ նրա նկատմամբ միշտ մեծ հետաքրքրություն կա։
«Շնորհավորում եմ Բերա Իվանիշվիլուն փոքրիկ Բերուկայի ծննդյան առիթով, շնորհավորում եմ Բիձինա Իվանիշվիլիին առաջին թոռան կապակցությամբ»,–գրել է լրագրողը։
Բերան և իր կինը` Նանուկա Գուդավաձեն ընտանիքում ապագա համալրման մասին նորությունը հայտնել էին դեռևս 2019 թվականի ապրիլին։ Նորապսակները լուսանկար էին հրապարակել, որի վրա նրանք գրկախառնված են և ձեռքում կային սպիտակ մանկական փափուճներ։ Ավելի ուշ ապագա ծնողները պատմեցին, որ տղայի են սպասում։
Բերան, լինելով Instagram–ի ակտիվ օգտատեր, բազմաթիվ անգամ հրապարակել էր հղի կնոջ լուսանկարները, որոնք անմիջապես տասնյակ հազարավոր դիտումների և մեկնաբանությունների էին արժանանում։
Բերան մոդել Նանուկա Գուդավաձեի հետ ամուսնացել է 2018 թվականի նոյեմբերին։ Երիտասարդների պսակադրության արարողությունը տեղի է ունեցել Մցխեթա քաղաքի Սվետիցխովելի տաճարում, որից հետո տոնել են այդ նշանակալի օրը Կոջորիի մերձակայքում գտնվող շքեղ համալիրներից մեկում։ Բերան պաշտոնապես հարաբերություններն իր ընտրյալի հետ օրինականացրել է 2019 թվականի մարտին։
Վրաստանի նախկին վարչապետի որդու պսակադրությունը. Իվանիշվիլին փակել է գլխավոր եկեղեցի՞ն
Բերայի արվեստի երկրպագուները անհամբեր սպասում էին նորածնի լուսանկարներին, և թե երբ է տեղեկություն հայտնվելու այն մասին, թե ինչպես են անվանակոչել Իվանիշվիլիի ժառանգին։