ԵՐԵՎԱՆ, 7 նոյեմբերի — Sputnik. Հանրապետության տարածքում նոյեմբերի 7-11-ը սպասվում է առանց տեղումների եղանակ: Այս մասին տեղեկացնում է ՀՀ ԱԻՆ «Հիդրոմետ» ծառայությունը։
Օդի ջերմաստիճանը նոյեմբերի 7-9-ն աստիճանաբար կբարձրանա 4-5 աստիճանով:
Երևան քաղաքում ևս նոյեմբերի 7-11-ը սպասվում է առանց տեղումների եղանակ:
ՀՀ ԱԻՆ օդերևութաբանական ծառայության պետ Գագիկ Սուրենյանն էլ իր հերթին տեղեկացրել է, որ առաջիկա 10 օրերին մեր երկիրը կգտնվի Իրանից ներթափանցող արևադարձային տաք օդային հոսանքների ազդեցության գոտում, ինչի արդյունքում ջերմաստիճանը կբարձրանա` Սյունիքի և Տավուշի հովիտներում հասնելով մինչև +20․․․+23 աստիճանի։