ԵՐԵՎԱՆ, 1 նոյեմբերի — Sputnik. Գիտնականների միջազգային թիմը TESS տիեզերական աստղադիտակի օգությամբ նկատել է էկզոմոլորակ, որը տեսականորեն չպետք է գոյություն ունենար։ Բանն այն է, որ այն շատ մոտ է աստղին, որն ընդլայնվել է և այդ ընթացքում պետք է ոչնչացներ մոլորակը։
Աշխատանքը նվիրված է նոր հետազոտությանը, որը հրապարակվել է The Astrophysical Journal ամսագրում (արդյունքների մասին համառոտ հաղորդվում է Phys.org–ում)։
Վերլուծելով TESS ուսումնասիրությունները HD 212771 և HD 203949 աստղերի հետ, որոնց մոտ ավելի վաղ հայտնաբերվել էին էկզոմոլորակներ, հետազոտողները աստղաֆիզիկոս Տիագո Կամպանտեի գլխավորությամբ ուսումնասիրել են այդ աստղերի տատանումները, ինչի շնորհիվ պարզել են օբյեկտների ֆիզիկական բնութագրերը, այդ թվում` զանգվածը, չափսերը, տարիքը։
Պատուհան դեպի տիեզերք. Ռուսաստանին հետաքրքրում են հայ աստղագետները
Ուսումնասիրելով HD 203949 աստղի վիճակը` հետազոտողները հանգել են եզրակացության, որ այն պետք է ընդլայնվեր կարմիր հսկայի փուլում, որի ընթացքում դրա պատյանը տարածվել է տվյալ մոլորակի ուղեծրից դուրս և պետք է ոչնչացներ այն։ Սակայն դա տեղի չի ունեցել։
Այդ հանելուկը բացատրել է նոր աշխատանքի հեղինակներից մեկը` Պորտուգալիայի Աստղաֆիզիկայի և տիեզերական գիտությունների ինստիտուտի հետազոտող Վարդան Ադիբեկյանը։
Խոսելով HD 203949–ին աստղի մոտ գտնվելու մասին` նա նշել է, որ աստղերը և դրանց մոլորակները միասին են զարգանում։
Հայկական դուդուկը պատրաստվում են ուղարկել տիեզերք
Նրա խոսքով` այդ գիտական դիլեմայի լուծումը թաքնված է հասարակ փաստի մեջ. աստղերը և դրանց մոլորակները ոչ միայն ձևավորվում, այլ նաև միասին են զարգանում։