ԵՐԵՎԱՆ, 4 հոկտեմբերի — Sputnik. Հոլիվուդի աստղ, կուլտուրիստ և ամենահայտնի «տերմինատոր» Առնոլդ Շվարցնեգերը համաձայնել է այն բանի հետ, որ ռուս կանանցից ավելի գեղեցիկ կանայք աշխարհում չկան։ Այս մասին նա հայտնել է Սանկտ Պետերբուրգում անցկացվող Synergy Global Forum համաժողովի ժամանակ, փոխանցում է ՌԻԱ Նովոստին։
Լրագրողներից մեկի հարցին, թե արդյո՞ք դերասանը ռուս կանանց համարում է աշխարհում ամենագեղեցիկները, Շվարցնեգերը պատասխանել է. «Այդ արտահայտությունը արդար է և պատահական չէ»։
Նա նաև ավելացրել է, որ գեղեցկությունը գլխավոր որակը չէ, որով կարող են պարծենալ գեղեցիկ սեռի ներկայացուցիչները։
«Բոլոր ռուս կանայք շատ խելացի են, տաղանդավոր և շնորհալի»,–ընդգծել է «տերմինատորը»։
Հիշեցնենք, որ Առնոլդ Շվարցնեգերը Պետերբուրգ էր ժամանել` մասնակցելու բիզնես ֆորումին։ Միջոցառման ժամանակ նա պատմել է, թե ինչպես է հաջողության հասել կինոյում և քաղաքականության մեջ։
Synergy Global Forum–ը բիզնես & lifestyle ձևաչափի միջոցառում է։ Ամեն տարի ֆորումի բեմից հանդես են գալիս տարբեր ոլորտների ականավոր դեմքեր. ձեռնարկատարեր և թոփ–մենեջերներ, կարծիքների առաջատարներ և ճանաչված պրոֆեսիոնալներ արվեստի, սպորտի, լրագրության և այլ ոլորտներում։