ԵՐԵՎԱՆ, 25 սեպտեմբերի – Sputnik. Անաստասիայի դուստրը` Աննա Ստրյուկովան, առաջին անգամ հրապարակայնորեն անդրադարձել է մոր հիվանդությանը` լրագրողներին խնդրելով չշահարկել այդ թեման։ Նա համապատասխան գրառում է արել Instagram–ի սթորի բաժնում։
«Անտանելի է, երբ աղմկահարույց պատմություն ստանալու համար օգտագործում են ցանկացած սուտ և ուռճացնում, սենսացիա են սարքում»,–գրել է Աննան։
Աղջիկը նաև հերքել է լուրերն այն մասին, որ իրեն առաջարկել են խոշոր պարգևատրության դիմաց մասնակցել Անդրեյ Մալախովի հաղորդմանը։ Աննան խնդրել է լրատվամիջոցներին հանգիստ թողնել իրենց ընտանիքին ու սրտանց շնորհակալություն է հայտնել այն մարդկանց, «որոնք անկեղծորեն ամենաբարին են մաղթում»։
Ավելի վաղ հայտնել էինք, որ Զավորոտնյուկի մոտ պոլիօրգան անբավարարություն և թոքաբորբ է զարգացել։ Նշվում էր նաև, որ բժիշկները դադարեցրել են կոմայի մեջ գտնվող դերասանուհու հակաուռուցքային բուժումը։ Սեպտեմբերի 13-ին հայտնի էր դարձել, որ դերասանուհին վերակենդանացման բաժանմունքում է` ծայրահեղ ծանր վիճակում։
Զավորոտնյուկի բուժումը դադարեցրե՞լ են. նախկին ամուսինը ներողություն է խնդրել
ԶԼՄ–ների տվյալներով` 48-ամյա դերասանուհին և նրա ամուսինը` գեղասահորդ Պյոտր Չերնիշևը, հիվանդության մասին իմացել են մոտ մեկ տարի առաջ` իրենց դստեր` Միլայի ծնվելուց հետո։ Ենթադրվում է, որ քաղցկեղային հիվանդությունը կարող էր արտամարմնային բեղմնավորման և ցողունային բջիջներով երիտասարդացման պրոցեդուրաների հետևանք լինել։
«Զավորոտնյուկը շանսեր ունի». բժիշկները դերասանուհուն պատրաստում են վիրահատության
Հայտնում էին, որ դերասանուհին բուժում է ստացել Եվրոպայում, սակայն վերջերս Մոսկվա է վերադարձել։ Վերջին շրջանում «Իմ հրաշալի դայակը» սերիալի աստղը հազվադեպ էր ներկայանում հանրությանը, չեղարկել էր բոլոր ներկայացումները։ Նա ներկա չի գտնվել նույնիսկ իր ավագ դստեր խանութի բացմանը։