ԵՐԵՎԱՆ, 23 օգոստոսի — Sputnik. Օգոստոսն իր դերի մեջ է, և առաջիկա 5 օրերին սպասվում է առանց տեղումների եղանակ: Այս մասին հայտնում է ՀՀ արտակարգ իրավիճակների նախարարությունը։
«Առաջիկա 5 օրերին հանրապետության ողջ տարածքում սպասվում է բարձր կարգի հրդեհավտանգ իրավիճակ: Օդի ջերմաստիճանն էապես չի փոխվի»,–նշված է ԱԻՆ–ի հաղորդագրության մեջ։
Քամին կլինի հարավային՝ 3-8 մ/վ:
Երևանում նույնպես օգոստոսի 23-27-ը սպասվում է առանց տեղումների եղանակ։ Ցերեկը առավելագույն օդի ջերմաստիճանը կհասնի +38, երեկոյան ժամերին` +31, իսկ գիշերը` +22 աստիճանի։