ԵՐԵՎԱՆ, 30 հուլիսի — Sputnik. Menu Group ընկերությունը, որի ներդրողներից մեկը ռուսական Delivery Club ընկերության հիմնադիր, հայ գործարար Լևոն Հովհաննիսյանն է, գնել է ուկրաինական Eda.ua նախագիծը։ Այս մասին հայտնում է kommersant.ru-ն:
Պարբերականն այս թեմայով զրուցել է Menu Group–ի հիմնադիր Վահան Քերոբյանի և Լևոն Հովհաննիսյան հետ։
Հովհաննիսյանը հայտնել է, որ Eda.ua-ի «կլանման» իրավաբանական փուլն արդեն կայացել է։
«Սկսվել է Eda.ua-ի բիզնեսը Menu Group-ի միասնական էկոհամակարգում ինտեգրելու գործընթացը, որը պետք է ավարտվի առաջիկա ամիսներին», - հստակեցրել է նա։
Փառատոները Հայաստանը զբոսաշրջիկներին ներկայացնելու խնդրի լավագույն լուծումն են. Ապրեսյան
Menu Group-ը սննդի պատվերի ծառայություններ է զարգացնում Հայաստանում, Բելառուսում և Վրաստանում։
Առաջիկա երկու տարիներին Menu Group-ը նախատեսում է զարգացման համար 10 մլն դոլար ներդնել։ Քերոբյանը հայտնել է, որ այս պահին ընկերության ուշադրության կենտրոնում է նաև ռուսական շուկան:
«Ռուսաստանում դեռ շատ շրջաններ կան: Մենք մեծ ներուժ ենք տեսնում, հատկապես փոքր քաղաքներում, քանի որ Яндекс.Еда-ն և Delivery Club-ը չափազանց տարված են Մոսկվայով և Պետերբուրգով»,– ասել է նա:
Menu Group-ը հիմնադրվել է Հայաստանում 2012թ.-ին և սկսել է իր գործունեությունը menu.am սննդի առաքման ծառայությունից։ Ընկերության գլխավոր գրասենյակը գտնվում է Երևանում։