Գյումրիի գլխավոր Վարդանանց հրապարակում ասեղ գցելու տեղ չկար: Տղամարդիկ ու կանայք, տարեցներն ու երեխաները, հայտնիներն ու անհայտները ջրում էին ու ջրվում։ Գյումրին նշում էի ամենազով ու ամենասիրված ամառային տոնը `Վարդավառը:
Քաղաքապետարանը ջրցան մեքենաներ էր տրամադրել նախաձեռնության կազմակերպիչներին: Ինչպես ասում են, ոչ ոք ջրից չոր դուրս չեկավ, այդ թվում նաև`Sputnik Արմենիայի նկարահանող խումբը: Մինչ լրագրող Լիլիթ Հարությունյանը փորձում էր բացատրել Վարդավառի ծագումն ու խորհուրդը, իր համաքաղաքացիները նրան մի լավ ջրեցին։
Բայց ինչ զվարճանք առանց երաժշտության և պարերի: Երաժշտության ռիթմերը ոչ միայն թույլ չէին տալիս ձանձրանալ, այլև ջերմացնում էին ոտքից գլուխ թրջված բազմությանը: Իսկ բացօթյա, թաց դիսկոտեկը Վարդավառի մասնակիցները դեռ երկար կհիշեն: