Շոկի մեջ ենք. «Ռեֆորմիստների» ղեկավարը ներկայացրել է կուսակցին դանակահարելու մանրամասները

«Ռեֆորմիստները» կարծում են, որ, հաշվի առնելով Արմեն Ամիրջանյանի բնավորությունը, վրեժի ու անձնական հաշիվները մաքրելու վարկածը բացառվում է։
Sputnik

ԵՐԵՎԱՆ, 26 հունիսի – Sputnik. Հայաստանի «Ռեֆորմիստներ» կուսակցության առաջնորդ Վահան Բաբայանն այսօր ներկայացրել է իր ղեկավարած քաղաքական ուժի խորհրդի անդամ Արմեն Ամիրջանյանի հետ տեղի ունեցած միջադեպի մանրամասները։

25–ամյա աղջկա դին թաքցրել է խորդանոցում. կա ձերբակալված. նոր մանրամասներ

Նշենք, որ «Ռեֆորմիստներ» կուսակցության խորհրդի անդամ Արմեն Ամիրջանյանին դանակով հարված են հասցրել Երևանում` Ամիրյան փողոցում, հունիսի 25–ին։ ՀՀ ոստիկանության տեղեկատվության և հասարակայնության հետ կապի վարչության պետի տեղակալ Էդգար Ջանոյանն հայտնել է, որ կասկածյալի ինքնությունը պարզվել է, նա արդեն ձերբակալվել է։

«Մեր խնդիրն է, որ Երևանում որևէ քաղաքացի օրը ցերեկով չկարողանա հանիրավի նման վտանգի առջև կանգնել: Առանց պատճառի՝ մոտենում են մարդուն, հայհոյում, ու երբ Արմենն ուզում է կարգի հրավիրել տվյալ անձնավորությանը, մեքենայից դանակը հանում են ու հարվածում», – ասաց Բաբայանը։

Նրա խոսքով` այժմ իրենք տեղի ունեցածին որևէ գնահատական չեն կարող տալ։ Նախ պետք է պարզել, թե ո՞վ է տվյալ մարդը, ի՞նչ կապեր ունի այլ քաղաքական ուժերի հետ։

Ռեֆորմիստների կուսակցությունը կաջակցի ՀՀ նախագահի բարեփոխումներին

«Ինչի՞ է վերածվել մեր քաղաքը. իշխանությունները ռեյդեր են անում, գովերգում են, որ հասարակական անվտանգությունը պետք է առաջնային տեղում լինի, ստացվում է, որ իրենց կատարած քայլերից հետո քաղաքում նման դեպքեր կարող են տեղի ունենալ», – նշեց Բաբայանը։

Նա ընդգծեց, որ կարևոր չէ` Ամիրջանյանը «Ռեֆորմիստներ» կուսակցության ներկայացուցիչ է, զբաղվո՞ւմ է նա քաղաքականությամբ, թե՞ ոչ. Ցանկացած պարագայում անհեթեթ է կատարվածը։

Բաբայանի խոսքով` Ամիրջանյանը շատ համեստ մարդ է, նա չէր կարող «նման բաների մեջ ընկնել»։

«Տեղի ունեցածը բոլորիս շոկի մեջ է գցել», – նշեց Բաբայանը։

Բաբայանը ոստիկանությունից պահանջել է մեղավորին պատժել օրենքի ողջ խստությամբ։

Տարօրինակ դեպք մանկապարտեզում. դայակը փայտով հարվածե՞լ է 5–ամյա երեխայի գլխին