Ըստ Հայրապետյանի՝ անկախ դատական համակարգի ձևավորման համար նախ անհրաժեշտ է նախաձեռնել մի շարք քայլեր և նոր միայն անցնել աշխատավարձին ու համալրմանը։ Նախ` պետք է հստակեցնել, թե որ դատավորներն են մնալու և ստանալու բարձր աշխատավարձ և ինչ հիմքերով։ Այս դեպքում հնարավոր է բախվել խտրական մոտեցման։
«Վարչապետի հայտարարությունը բավական խնդրահարույց է և քարոզում է խտրական մոտեցում»,-ասել է Հայրապետյանը։
Իրավաբանի գնահատմամբ՝ եթե Փաշինյանը դատական համակարգի անկախությունը պայմանավորում է բացառապես բարձր աշխատավարձով, ինչով է համոզված, որ գործող համակարգի դատավորները բարձր աշխատավարձ ստանալով զերծ չեն մնա կոռուպցիոն ռիսկերից, իսկ նոր ներգրավվածները զերծ կմնան։
Հայրապետյանը կարծում է, որ անցումային արդարադատության և վեթինգի իրականացումը, եթե կատարվի միջազգային նորմերին համապատասխան, ապա կարելի է հասնել անկախ դատական համակարգի ձևավորմանը։ Բայց, եթե դա իրականացվի այնպես, ինչպես այսօրվա իշխանությունն է պատկերացնում, ապա անկախ դատական համակարգի փոխարեն կարող ենք կանգնել լրջագույն խնդիրների առջև։
Մարդկության պատմության մեջ եզակի, բիրտ ճնշումներ են դատարանների վրա. Քոչարյանի պաշտպան