ԵՐԵՎԱՆ, 13 հունիսի — Sputnik. Րոպեներ առաջ սարսափելի ավտովթար է տեղի ունեցել մայրաքաղաքում։
Արաբկիր վարչական շրջանում գտնվող Հովսեփ Էմինի և Վաղարշյան փողոցների հատման մասում «Ֆորդ Տրանզիտ» ավտոմեքենան վրաերթի է ենթարկել մոտ 55 տարեկան կնոջ, որի անձն այս պահին հայտնի չէ։
Վարորդը չի լքել վթարի վայրը և հավաքվածների հետ փորձել է օգնել գիտակցությունը կորցրած կնոջը։
Վերջինս «Արմենիա» բժշկական կենտրոն տեղափոխվելու ճանապարհին շտապօգնության մեքենայի մեջ մահացել է՝ այդպես էլ գիտակցության չգալով։
Այս պահին դեպքի վայրում իրենց աշխատանքն են կատարում քննչական կոմիտեի և ճանապարհային ոստիկանության ծառայողները։