ԵՐԵՎԱՆ, 18 մայիսի – Sputnik, Գոռ Մարգարյան. Այս շաբաթվա ընթացքում պարզվեց, որ ԱՄՆ–ի Կալիֆոռնիա նահանգի Սան Ֆրանցիսկո վարչական շրջանում թույլ չեն տալու դեմքերի ճանաչման տեխնոլոգիա կիրառել, համացանցում մեծ ճանաչում վայելող կատվի հետևորդները վաշ–վիշ են անելու, իսկ Google-ը փորձելու է նմանակել օգտատիրոջ ձայնը։ Հիմա ամեն ինչի մասին` հերթով։
Face ID-ն արգելվել է Սան Ֆրանցիսկոյում
Սան Ֆրանցիսկոն առաջին քաղաքն է ԱՄՆ-ում, որտեղ մարդկանց իրավունքները խախտելուց խուսափելու համար ոստիկանությունը արգել է օգտագործել դեմքի ճանաչման տեխնոլոգիան: Այս մասին Հայտնում է New York Times-ը:
Քվեարկության ժամանակ Սան Ֆրանցիսկոյի դիտորդական խմբի 10 անդամներից 9-ը հաստատել են այն օրինագիծը, որն արգելելու է նմանատիպ տեխնոլոգիայի օգտագործումը:
Դեմքի ճանաչման տեխնոլոգիան սքանավորում է մարդու դեմքը և համեմատում տվյալների բազայի հետ:
Սակայն իրավապահ մարմիններում դրա կիրառումը քննարկման թեմա է դարձել իրավապաշտպանների համար` հնարավոր սխալի և անհամապատասխանության պատճառով։ Մեկ այլ պատճառ էլ կա` տեխնոլոգիան հենվում է լավ չվերահսկվող տվյալների մեծածավալ բազայի վրա:
Մահացել է Instagram-ի հերոսը
Համացանցում «Բարկացած կատու» մականունով հայտնի կատուն սատկել է յոթ տարեկանում: Այս մասին հայտնել են նրա տերերը Tvitter–ում: Կատուն հոգին ավանդել է բորբոքման պատճառով:
Grumpy Cat- ի պատմությունը սկսվել էր 2012 թվականի սեպտեմբերի 22-ին, երբ օգտատեր Կատալիադիսը Reddit բլոգում տեղադրել էր իր կատվի նկարները, որը շատ արտասովոր արտաքին ուներ:
Քանի որ կատվի բարկացած դեմքը չափից դուրս անբնական էր, ինտերնետի օգտատերերը սկզբում կարծել էին, թե ֆոտոշոփի արդյունք է: Բոլոր կասկածները հօդս ցնդեցին, երբ կատվի տերը կենդանու մասնակցությամբ տեսահոլովակ տեղադրեց Youtube-ում:
Կատվի իրական անունն էր Սոուս Տարտար (կրճատ՝ Տարդ): Արտասովոր արտաքինի պատճառը գաճաճության գենն էր, չնայած նրան, որ Տարդի ծնողները սովորական կատուներ էին:
Google-ը կխոսի տիրոջ ձայնով
Google-ի աշխատակիցները ընկերության բլոգում հայտնել են, որ իրենց թիմը մշակել է մի ալգորիթմ, որը կթարգմանի մարդու խոսքը մեկ լեզվից մյուսը՝ պահպանելով օգտատիրոջ ձայնը:
Մշակված ալգորիթմի միջոցով նեյրոցանցը կընդունի ձայնային մուտքագրումը և այն կմշակի որպես սպեկտրոգրամմա, իսկ հետո դրա հիման վրա անհրաժեշտ լեզվով նոր սպեկտրոգրամմա կստեղծի:
Թարմացումից հետո հավելվածը կկարողանա անմիջապես թարգմանել խոսքը ՝ առանց տեքստային գրության: Պահպանվելու է ձայնային տեմբրը և խոսքի մեջ կատարված ընդմիջումները:
Տեղեկատվական տեխնոլոգիաների և նորարարությունների ոլորտում շաբաթվա ընթացքում այլ իրադարձություններ էլ են տեղի ունեցել, որոնց մասին մենք արդեն գրել ենք, այնպես որ խորհուրդ կտամ կարդալ ևս մի քանի լուր, որոնք չեն վրիպել մեր աչքից։
Նոր iPhone-ը նարդոսի ու դոլարի գույն կստանա
Ստեղծվել է ճկվող էկրանով առաջին նոութբուքը. տեսանյութ
Xiaomi-ն իր սմարթֆոնները կվաճառի հյութերի ու սուրճի պես